মুখ্য পৃষ্ঠা
06/04/2515:32
•শেষ ঠিকনা•
কল্পনাৰ জগতত যেতিয়া বিচৰন কৰো
অশ্লীলতাৰ মাজত যেতিয়া সপোন দেখো
দেহৰ সিৰাই উপসিৰাই বগাই যায়
এটি অনুভৱ মৃত্যুৰ দূৱাৰ দলিলৈ |
মৃত্যুৰ জানো ঠিকনা থাকে ?
বন্ধ কোঠাত যেতিয়া ফেন খন ঘুৰি থাকে
যেতিয়া তাত ওলমি থাকে ৰিহাৰ আঁচল
সেয়াও হ'ব মৃত্যুৰ ঠিকনা |
বাৰিৰ পিচফালে উশাহে ঢ়ুকি নোপোৱা গছজোপা
যদি ওলমি থাকে তাত এডাল ৰছি
অথবা পোৰা মঙহৰ গোন্ধ বিয়পি পৰাকৈ
ঘৰৰ চুকত থৈ দিয়া কেৰাচিন তেলৰ বতলটো
সেয়াও হ'ব পাৰে মৃত্যুৰ ঠিকনা |
জৰাজীৰ্ণ দলঙৰ সপোন কাঢ়ি
যদি দিওঁ তললৈ জাপ ,
নাইবা যদি গিলি থওঁ এবাতি বিহ
সেয়াই জানো নহ'ব মৃত্যুৰ ঠিকনা ?
বাৰিৰ পিচফালৰ কাকিনি তামোল জোপাৰ আগেৰে
জোনটোয়ে যদি ৰিঙিয়াই তৰাৰ দেশলৈ ,
লুইতৰ বুকুৰে শুকুলা পাল লৈ
যদি আহে কোনো পৰী মোক নিবলৈ
ঠিকনা জানো পাম তেতিয়া বাৰিৰ একোনত ?
মাৰফৎ....
ওঁহো , মইতো নাজানো ।
মৃত্যুৰ জানো ঠিকনা থাকে ?
আপুনিও নাজানে
অনুভৱো নকৰে
মৃত্যুৰ ঠিকনা নাথাকে |
_____ৰাজু
কলিতা
ৰচনাকাল-24/02/11
